Abstract :
Tetilikan puniki matetujon nelatarang miwah nyinahyang kawentenan pawatekan pragina lan guna sarat sosial ring satua bawak Tuan Dewan pikardin Ida Bagus Wayan Widiasa Keniten. Tetilikan puniki nganggen kramaning tetilikan deskriptif kualitatif. Jejering tetilikannyane inggih punika pupulan satua bawak Tuan Dewan pikardin Ida Bagus Wayan Widiasa Keniten. Panandang tetilikannyane inggih punika pawatekan pragina lan guna sarat sosial. Kramaning mupulang data kamargiang antuk studi dokumentasi. Piranti mupulang data sane kaanggen inggih punika kartu data. Data tureksa kakawitin saking milihin data, nlatarang data, ngambil pamicutet. Data indik pawatekan pragina kapanggihin 17 pragina saking
5 satua bawak sane soroh pawatekan praginanyane wenten 6 soroh (pragina utama, pragina pengweweh, pragina nglimbak (berkembang), pragina tipikal, pragina protagonis, pragina antagonis) ring soang-soang pragina madue watek sane malianan. Data indik guna sarat sosialnyane kapanggihin, minakadi guna sarat sosial asih (tresna lan asih, pengabdian, saling tulung, kumanyama, ngrungu), guna sarat sosial tanggung jawab (saling gelahang, swadharma), guna sarat sosial keserasian hidup (demokrasi).