Abstract :
Tetilikan puniki matetujon nlatarang indik grafem, miwah pisarat grafem aksara Bali sajeroning kamus maaksara Bali-Latin. Teori sane kaangge ring tetilikan inggih punika indik teori grafolinguistik sane pinih utama inggih punika grafetis lan grafematis. Palihan tetilik puniki ngangge tetilikan deskriptif kualitatif. Sane dados jejering tetilikan inggih punika kamus Bali-Indonesia maaksara Bali-Latin, Badan Pembina Bahasa, Aksara lan Sastra Provinsi Bali 2016. Penandang tetiliknyane seseleh grafem aksara Bali. Kramaning tetilikan punika ngangge kramaning observasi miwah kramaning focus group discussion. Data tureksa sane kaangge inggih punika deskriptif kualitatif, pahan-pahan nyane (1) reduksi data, (2) penyajian data (3) pamicutet. Pikolih tetilikan punika nyutetang indik (1) 37 wangun rupa aksara nagingin pisarat grafem pinaka penbeda leksikal. Lan 6 aksara nenten nagingin pisarat grafem pembeda leksikal. (2) 42 wangun rupa aksara sane naginngin pisarat grafem pinaka nilai linguistik, lan 1 aksara sane nenten nagingin pisarat grafem nilai linguistik. (3) seseleh grafem aksara Bali ring lema manut pisarat keminimalan wenten 27 wangun rupa aksara sane kawastanin keminimalan utuh, 14 wangun rupa aksara sane kawastanin keminimalan sane kemungkinan utuh, lan 2 aksara sane nenten dados keminimalan. Tetingkesan saking tetilikan punika. Piteket tetilikan punika para pangwacen kamus Bali-Latin prasida uning tur ngresep indik aksara Bali manut makudang-kudang pisarat grafem.